Senglea Local Council - Organizations

Fis-sena 1865 il-Banda La Senglea ġiet iffurmata taħt id-direzzjoni ta' Mro Tomaso Galea. L-ewwel dehra fil-pubbliku saret waqt il-purċissjoni tal-Ġimgħa l-Kbira fl-istess sena. F'din l-okkażjoni il-banda daqqet marċi funebri ta' Mro Galea.

Il-kanonku S. Salomi kien l-ewwel patrun u benefattur ta' din il-Banda, skond ġurnalisti ta' dak iż-żmien, dan il-benefattur ma' kienx joqgħod lura biex kull fejn seta' kabbar ir-reputazzjoni ta' din il-bansa akkost ta' spejjeż li hu ħareġ minn butu.

Matul is-sena 1871 ir-rivalita' li kienet diġa teżisti bejn il-banda La Senglea u għaqda mużikali oħra fil-lokal, La Vincitrice diretta mis-surmast Mro Abela Scolaro, kompliet tikber. Biex tkompli tagħmel is-sitwazzjoni aktar diffiċli għal din il-banda, numru sostanzjali ta' bandisti naqsu minħabba li wħud minnhom ingaġġaw bħala bandisti fir-Royal Navy.

Skond il-gazzetta "Corriere Mercantile Maltese" tas-7 ta' Diċembru, 1874, l-Għaqda Mużikali La Vincitrice saret l-aktar banda popolari fil-lokal u kienet ittella' programmi mużikali f'Cafe' Premier fi Pjazza Reġina. Dawn il-programm mużikali direġuti mill-ewwel surmast tagħha Mro C. Abela Scolaro, kienu intlaqgħu tajjeb mill-poplu Malti u minn dawk preżenti fit-toroq tal-Belt.

Minħabba r-rivalita' li kienet teżiti bejn iż-żewġ baned l-Għaqda Mużikali La Vincitrice qatt ma' ingħatat permess mill-pulizija biex ittella' programm mużikali fil-lokal ta' l-Isla.

Iżda wara numru sostanzjali ta' talbiet din l-għaqda ingħatat permess biex iddoqq fi Triq il-Vitorja. Infatti fuq il-permess maħruġ mill-Ispettur Scicluna bl-approvazzjoni tas-Supretendent tad-Distrett, l-Għaqda Mużikali La Vincitrice daqqet għall-ewwel darba xogħlijiet ta' Meyerbeer nhar is-6 ta' Jannar, 1874. Nies mit-Tlett Ibliet inġabru fl-Isla biex jisimhu dawn ix-xogħlijiet u jidher li din is-serata kienet milqugħa tajjeb u kollox mexa ħarir. Mhux reġistrat li nqala' xi nkwiet mil-Banda l-oħra.

Fl-1903 l-għaqda mużikali La Vincitrice bidlet isimha għal Queen's Own. Mhux ċara għaliex din l-għaqda mużikali bidlet isimha. Fl-1908 din il-banda pparteċipat f'fiera mtella' fil-Ġonna ta' l-Argotti b'risq is-Soċjeta għall-għajnuna tal-muti (Muto Soccorso Society) u bħala kommemorazzjoni tal-Koperazzjoni Internazzjonali ta' Barra. Dan l-avveniment kien organiżżat mill-Banda La Vallette.

Skond Fr John Mary Farrugia, mill-Birgu fis-26 ta' Jannar, 1875, il-Banda Queen'w Own marret Catania fuq il-vapur 'Slatulus Gort'. Din il-banda irritornat lura fil-festa ta' San Pietru u San Pawl (L-Imnarja). Din kienet l-ewwel darba li banda lokali vjaġġat barra minn Malta biex ittella' programm mużikali.

Wara dan saru aktar vjaġġi barra minn Malta fejn din il-banda daqqet diversi xogħlijiet mużikali - Noto, Floridia u Siracusa. F'kull mawra li din il-banda għamlet ġabet lura Souvenir Banner ta' kull lokal li tkun daqqet fih. Sfortunatament dawn il-banners inqerdu meta l-bini tal-banda ġie meqrud matul it-Tieni Gwerra Dinjija.

L-Għaqda Mużikali Queen's Own ġiet inawgurata mill-mibki president tagħa Dr. F. Inglott u mbierka mir-Rev. Kan. F. Marengo wara diskors mill-President. Presidenti oħra li ġew wara kienu Mons. Ign. Panzavecchia, Rev. Kan. Prim. F. Marengo, Maġistrat F. Soler, Dr. John Calleja, Dr. J. Schembri, Mr. L. Valentino, Mr. J. Ghirxi, Mr. J. Grech and Mr. P. Mangion u Mr Joe Degiorgio.

Ta' min isemmi surmastrijiet tant magħrufa li ħadmu ħafna biex dejjem ikabbru l-entużjażmu ħaj f'din l-għaqda bħal ma' huma Mro Carmelo Abela Scolaro, Mro G. Portelli, Mro A. Miruzzi, Mro J. Parisi, Mro G. Vitaliti, Mro R. Cafforelli, Mro C. Mifsud, Mro. A. Muscat Azzopardi, Mro. G. Martin, Mro A. Cilia, Mro A. Callus u l-aħħar iżda mhux l-inqas Mro. B. Borg.

Informazzjoni meħuda minn : The Story of Philarmonic Socities by R. Mifsud Bonnici.

L-Għaqda mużikali li għandha l-Klabb tagħha f'nofs Triq il-Vitorja, għadha kif għamlet tibdil f'dan is-sit u ġie atrezzat b'bar biex ikun jista' jaqdi t-talbiet taċ-ċittadini tal-lokal u tal-barranin li jżuru l-Isla. Infatti dawn il-barranin huma milqugħa ħafna fil-mawra tagħhom ġewwa l-Isla. [back to top]

Minn żmien l-ewwl snin tas-sebgħinijiet, flimkien ma' l-organista Agostino Attard, kienu jinġabru numru ta' rġiel fil-quddiesa gregorjana tal-Ħadd. Dan kien għall-ħabta ta' l-1972, meta Ġużeppi Baron u Charlie Mercieca flimkien ma' Grupp ta' rġiel bdew dan il-grupp, li wara f'kumitat ġie miftiehem li l-isem tiegħu kellu jkun "Kor Marija Bambina". Il-kor beda jikber u bdew deħlin tfal li kienu jinġabru għall-quddiesa ta' filgħaxija u fl-istess ħin jiġu mgħallma minn Dun Pawl Schembri. Wara ftit il-Kor Marija Bambina waqa' taħt id-direzzjoni ta' Suor Speranza li kienet tgħallem il-pjanu wkoll. Wara ftit miet is-surmast Attard u ġie avviċinat is-surmast Alfred Callus.

Fl-1977, għall-okkażjoni ta' l-ewwel quddiesa solenni ta' Dun Anton Gouder, l-Kor kanta għall-ewwel darba akkumpanjat mill-orkestra, taħt id-direzzjoni tas-Surmast Callus. Dak inhar ukoll il-kor libes għall-ewwel darba uniformi. Hekk kif miet l-Arċipriet Sladden, inħatar arċipriet Dun Vincenz Cachia mill-ewwel tefa' għajnejh fuq il-kor u għamel kemm setgħa biex dan il-kor ikompli jikber. Matul is-snin l-organisti bdew taħriġ għand patri Albert Borg, u fl-istess ħin Joe Huber beda jagħti lezzjonijiet tal-vuċi lill-membri tal-kor. Il-kor ġie ukoll maqsum f'seba' sezzjonijiet; soprani, mezzo soprani, tenuri u baxxi. wara dan, il-kor beda ukoll joħroġ mill-parroċċa, twaqqaf kumitat ċentrali u sotto kumitati, biex jiġu organiżżati attivitajiet soċjali kif ukoll biex jiġi pubblikat kull xahrejn fuljett - Il Vuċi. Nidbet fil-kor il-ħajra li nipparteċipaw f'festivals tal-korijiet parrokjali u dan sar f'ħafna okkażjonijiet. Iżda l-akbar suċċessi li kellu l-kor kien fl-1996 fl-okkażjoni tal-75 sena anniversarju ta' l-inkurunazzjoni ta' Marija Bambina, fosthom in-novena ta' Marija Bambina li ġiet kantat ma' l-orkestra taħt id-direzzjoni tas-Surmast Callus, kif ukoll il-funzjoni ta' l-4 ta' Settembru fix-Xatt waqt quddiesa solenni kkonċelebrata mill-Arċisqof Mons. Ġużeppi Mercieca, taħt it-tmexxija ta' Dun Ġwann Galea. Il-kor Marija Bambina ħa sehem ukoll għal għaxar snin konsekuttivi fil-festa tal-Madonna tal-Karmnu iż-Żurrieq. Ħa sehem ukoll f'festival tal-korijiet li sar fil-kulleġġ San Alwiġi f'Birkirkara u fejn ħa l-ewwel post. Fost oħrajn il-kor ħa sehem ukoll fil-quddies konċelebrati mill-Papa Ġwanni Pawlu II, fiż-żewġ żjarat tiegħu f'Malta.

Il-Kor Marija Bambina għadda minn ħafna affarijiet li jibqgħu minquxa f'kull membru, u dan kollu ma' kienx ikun possibbli li kienu ma' kienx għal ħafna sagrifiċċji, kemm mill-membri kif ukoll minn dawk li jmexxu kemm b'mod mużikali kif ukoll b'mod spiritwali.

1972	Il-bidu tal-kor Marija Bambina
1977	Prima Messa ta' Dun Anton Gouder
1986	Il-kor beda joħroġ mill-Parroċċa u kanta f'żewġ okkażjonijiet fl-Imsida u f'Wied il-Għajn
1987	Ftuħ ta' Dar Sant' Anna fl-Isla li għaliħ kanta l-kor. L-ewwel Festival li fiħ ħa sehem il-kor - Festival Marjan F'Raħal Ġdid
1988 - 1998	Il-kor ħa sehem mal-banda fil-festa tal-Madonna tal-Karmnu fiż-Żurrieq
1989	Il-kor kanta waqt tieġ fil-Katidrasl, l-Imdina
1990	Quddiesa fuq il-Fosos, Furjana waqt iż-żjarat tal-Papa Ġwanni Pawlu II
1991	Il-membri tfajliet tal-kor għamlu żjara f'Ruma, l-Italja
1991	Il-kor ħa sehem f'festival tal-korijiet fil-Hamrun
1995	Membri tal-kor għamlu ġita f'Lourdes, Franza Il-kor kanta mal-banda ta' Santa Marija fl-Imqabba waqt serata mużika-letterarja
1996	Il-kor beda jidher b'uniformi ġdida Il-kor ħa sehem f'festival tal-korijiet fl-Isla, organizzat fl-okkażjoni tal-festi tal-75 anniversarju mill-inkurunazzjoni ta' Marija Bambina Il-kor kanta fil-kon-Katidral ta' San Ġwann, Valletta Kanta ukoll fil-funzjoni ta' l-4 ta' Settembru Novena kantata mill-kor flimkien ma' l-orkestra b'quddies differenti kuljum
1997	Il-kor mexxa serata mużikali f'Marsaxlokk Sar kunċert mill-Kor Marija Bambina fl-Isla fl-okkażjoni tal-25 sena mit- twaqqif tal-kor Saret żjara lill-President Ugo Mifsud Bonnici fil-Palazz Verdala Ittellgħet exhibition organizzata mill-membri tal-kor Sar forum dwar il-kant organizzat mill-kor
1998	Il-kor Marija Bambina ġie l-ewwel post f'festival tal-kant li sar fil- Kulleġġ ta' San Alwiġi, f'Birkirkara
1999	Il-kor ħa sehem f'serata mużikali f'Wied il-Għajn F'Sannat, Għawdex il-kor ha sehem f'festival tal-korijiet Il-kor ta' s-sehem tiegħu waqt il-pellegrinaġġ tar-Redentur f'San Vincenz de Paule Prima Messa ta' Fr. Simon Sciberras Fl-okkażjoni tal-Milied, il-kor kanta taħt it-tinda f'Misraħ il-Ħelsien, Valletta
2000	Iż-żjara tar-Redentur fil-Qala, Għawdex fejn il-kor knata matul il- pellegrinaġġ Il-kor ta' s-sehem tiegħu waqt iċ-ċelebrazzjonijiet tal-Ġublew
2001	Il-kor kant waqt quddiesa solenni fil-Kon-Katidral ta' San Ġwann, Valletta, fl-okkażjoni tal-festa tal-Kandlora Quddiesa fuq il-Fosos, Furjana waqt iż-żjarat tal-Papa Ġwanni Pawlu II
2002	Fl-okkażjoni tal-ħatra ta' l-Arċipriet ta' l-Isla, Fr. Joe Grech il-kor kanta quddiesa orkestrata Il-kor kanta għall-quddiesa tal-ħatra tal-Kappillan tal-Gżira, Dun Vincenz Cachia Il-kor ta' s-sehem tiegħu fit-Tridu tal-festa tal-Madonna tal-Karmnu, l-Gżira

ORGANISTI
S. Gauci, A. T. C.L., A. L. C. M.
M. Cutajar, R. Scerri, F. Fiorini

SOPRANI
M. Agius, R. Agius, B. Bugeja
C. Buhagiar, J. Caruana
P. Caruana, M. Chetcuti
G. Cutajar, M. Cutajar
J. Farrugia Gabriele, V. Grima
B. Inguanez, G. Scerr

MEZZO SOPRANI
C. Bonello, J. Caruana
S. Caruana, C. Degiorgio
D. Fiorini, J. Gabriele
K. Gauci, S. Gauci
S. Inguanez, S. Pace
I. Scerri, R. Scerri, R. Vella [back to top]

Dan il-klabb tal-football ra l-bidu tiegħi fl-1906 bl-isem ta' Senglea Shamrocks.

Aktar tard fl-1911 twieldet l-Assoċjazzjoni tal-Football Malti (MFA) taħt il-presidenza ta' Major H. A. Balbi. Il-Klabb Senglea Shamrocks kien wieħed mill-ewwel klabbs li daħal jagħmel parti minn din l-Assoċjazzjoni Newtrali (MFA).

Fl-1932 dan il-klabb bidel ismhu għal Senglea united u aktar tard fl-1943 reġgħa bidel ismhu għal dak li huma magħrufin bih illum, Senglea Athletics Football Club. Kif spiċċat it-Tieni Gwerra Dinjija, dan il-klabb beda jikkompeti fis-2nd Division, League imtella' mill-MFA.

Għalkemm dan il-klabb kellu żminijiet ta' suċċessi u ta' prestiġju, għamel ħafna żmien jilgħab fid-diviżonijiet baxxi tal-kalassifika.

L-aktar mumenti ta' ferħ u ta' glorja kienu f'nofs is-snin sebgħin (1070's) meta dan il-klabb ġie promoss għat-tieni diviżjoni u aktar tard għall-ewwel diviżjoni tal-League fejn għal diversi snin suċċesivament ġew dikjarati champions tat-tieni diviżjoni.

Fl-1981 dan il-klabb ġie promoss għal darb'oħra fl-ogħla League u fl-istess staġun dan il-klabb naqqax isimhu fl-istorja tal-football Malti billi kien l-ewwel tam mit-Tieni Diviżjoni li qatt ikkontesta fit-Tazza Finali ta' l-MFA Trophy u jitlef b'marġini żgħir ta' 2-1. Dan il-Klabb kien pass il-bogħod milli jipparteċipa f'kompetizzjoni fil-European Cup Winners. F'dan iż-żmien il-President kien Walter Clinch.

Minn dan iż-żmien il-quddiem Senglea Athletics FC għaddew minn żmien ftit u xejn ikraħ minħabba diffikultajiet finanzjarji kbar. Iżda f'dawn l-aħħar tlett snin it-team għal darb'oħra wera' ruħu bħala forza li mħux ta' min jinjora'.

Fis-sena 2000 dan il-klabb rebaħ promozzjoni mit-tielet għat-tieni diviżjoni. F'Dan iż-żmien il-president tal-klabb kien Reno Chircop.

Aktar tard taħt il-presidenza ta' Dr. Vincent S. Zammit, il-klabb ġie promoss għall-ewwel diviżjoni.

F'din l-aħħar sena l-klabb baqa' jżomm il-pożizzjoni tiegħu fl-ewwel Diviżjoni. Huwa sigriet magħruf li l-ambizzjoni tal-klabb hija li jiġi promoss fil-Premiere League (l-għola diviżjoni tal-Football Malta).